Býður við sögusögnum

Nýlegar sögusagnir um að kærasti kynbombunnar Katie Price fari með hlutverk í klámmynd hafa farið mjög fyrir brjóstið á henni. Samkvæmt þessum sögusögnum á Alex Reid að hafa leikið í nokkuð grófu nauðgunaratri. Price á að hafa verið svo misboðið vegna þessara sögusagna að henni fannst hún ekki geta setið aðgerðarlaus mikið lengur og ákveðið að tjá sig um málið í fjölmiðlum.

„Nauðgun er viðkvæmt mál sem stendur mér nærri. Mér var sjálfri nauðgað þegar ég var yngri. Því ætti ég ekki að þurfa að taka fram að ég mundi aldrei umgangast neinn sem tæki þessu svo létt,“ var haft eftir Price. Hún sagði einnig einhver nákominn Reid hafi einnig upplifað kynferðislegt ofbeldi og því sé hann sjálfur mjög miður sín vegna þessara gróusagna.