Loksins skilin

Leikarinn Eddie Cibrian er nú endanlega skilinn við eiginkonu sína til sjö ára, Brandi Glanville. Upp komst um ástarsamband Cibrians og mótleikkonu hans, söngkonunnar LeAnn Rimes, fyrir stuttu en þau léku saman í sjónvarpsmyndinni Northern Lights.

Rimes skildi einnig við eiginmann sinn eftir að upp komst um samband hennar og Cibrians. Fyrrverandi eiginkona Cibrians segist vera ánægð nú þegar skilnaðurinn er loks genginn í gegn og hún geti nú einbeitt sér að öðru.

„Við ræddumst við um daginn, hann er nú á leið til Mexíkó í helgarfrí með Rimes. Ég hlakka mikið til að sjá þær myndir," sagði Glanville í viðtali við sjónvarpsstöðina E!.