Rihanna að hitta nýjan gæja

Á meðan Chris Brown fyrrum kærasti Rihönnu segir öllum fjölmiðlum sem heyra vilja að hann elski hana enn, er söngkonan að hitta nýjan mann. Hinn heppni heitir Travis London og er í kvikmyndabransanum í Los Angeles.

Ekki er nákvæmlega vitað hvað Travis gerir en hann starfar eitthvað á bak við tjöldin. Þeir sem eru í því starfi fara líka út á lífið og hitta sætu stjörnurnar. Travis sem áður hefur sést með stjörnum á borð við Mary Kate Olsen, hefur nú sést víða með Rihönnu.

Miðað við frásögn New York Daily News þá voru þau saman úti að borða á Giorgio Baldi og Chateau Mamont. Vitni sem sat á næst borði sagði: „Þau létu kjánanlega við hvort annað. Hún virtist skemmta sér mjög vel."