Lofar allt að 40 milljónum punda til leikmannakaupa

Kaupsýslumaðurinn Carson Yeung frá Hong Kong, sem keypti ráðandi hlut í enska úrvalsdeildarfélaginu Birmingham á dögunum, ávarpaði blaðamenn á Englandi í fyrsta skipti eftir yfirtökuna í dag.

Fjárfestingarfélagið Grandtop Ingernational Holdings í eigu Yeung hefur gengið frá 81,5 milljón punda yfirtöku og Yeung segist ætla að styðja hraustlega við bakið á knattpyrnustjóranum Alex McLeish þegar félagaskiptaglugginn opnar á nýjan leik í janúar.

„Ég mun funda með Alex við fyrsta tækifæri og heyra hvar honum finnist helst þurfa að styrkja liðið. Ég er tilbúinn að leggja fram á bilinu 20-40 milljónir punda í janúar," sagði Yeung á blaðamannafundi í dag.