Gómsætir titlar- kíló af kjöti með bókum í Mál og Menningu

Bókabúð Máls & menningar ætlar að gefa eitt kíló af hamborgarhrygg frá Gallerý Kjöti með fjölda bókatitla um helgina en magnið ætti að duga meðalfjölskyldu í matinn á sjálfan Aðfangadag. Einnig verða geisladiskar og mynddiskar fyrir börnin gefin með tugum titla.

Bækurnar sem um ræðir, og kjöt fylgir með, eru Jón Leifs - líf í tónum, Kirkja hafsins, Kynlíf, Góði elskhuginn, Svo skal dansa, Reyndu aftur, Páll á Húsafelli, Maturinn hennar Nönnu, Sagan og Áin.

Gjafir fylgja bókunum alla helgina og er opið í Bókabúð Máls & menningar frá klukkan 10 til 22 á laugardag og sunnudag.