Klinsmann útilokar ekki að stýra liði á Englandi

Maðurinn sem eigendur Liverpool hafa eitt sinn rætt við um að taka við af Rafa Benitez, Jurgen Klinsmann, vill stýra liði í ensku úrvalsdeildinni.

„Maður útilokar náttúrulega aldrei neitt. Fótbolti gefur manni svo mikið. Ég átti aldrei von á því að þjálfa Þýskaland á HM og síðan að verða stjóri hjá FC Bayern," sagði Klinsmann sem er staddur á Englandi þessa dagana og sá Liverpool tapa fyrir Lyon.

„Liðið hefur ekki tapað neinu enn. Þetta er samt erfiður tími fyrir Rafa. Kannski er leikurinn á sunnudag það sem liðið þarf til að komast aftur á beinu brautina."

Heimildir herma að hinir bandarísku eigendur Liverpool hafi ekki útilokað að ráða Klinsmann sem er atvinnulaus sem stendur.