Sol samdi til fimm ára við Notts County

Sol Campbell skrifaði nú síðdegis undir fimm ára við D-deildarliðið Notts County sem Sven-Göran Eriksson er að byggja upp þessa dagana.

Campbell var samningslaus og kostar félagið því ekki krónu.

„Þetta félag býr yfir miklum metnaði og ég vil taka þátt í þessu spennandi verkefni," sagði Campbell eftir undirskriftina.

„Ákvörðunin hefur augljóslega mikið með Sven að gera. Hann er frábær maður, frábær þjálfari sem hefur þjálfað út um allan heim. Hann hefur séð inn í framtíðina. Þetta er vissulega áskorun en ég held að allir hjá félaginu séu klárir í þessa áskotun," sagði Campbell sem lék 73 landsleiki á sínum tíma.