Vegurinn um Óshlíð nýttur sem hjólaleið

Óshlíðarvegur verður væntanlega nýttur sem útivistar- og jafnvel hjólaleið þegar hann verður lagður af sem stofnvegur þegar jarðgöng milli Bolungarvíkur og Hnífsdals verða tilbúin árið 2011. Frá þessu er greint á vef Bæjarins besta.

Þar er vitnað í drög að aðskipulagi Bolungarvíkur fyrir árin 2008 til 2020.

„Leiðin liggur um stórbrotið landslag með útsýni um Djúpið og langt út á haf. Miklir möguleikar er því á að skapa spennandi og sérstæða útivistarleið. Talið er mjög kostnaðarsamt að halda leiðinni við sem bílvegi en mun einfaldara ef um gönguleið eða jafnvel hjólaleið er að ræða“, segir í drögunum.