Bruce brjálaður yfir því að Bent tók ekki vítið

Steve Bruce, stjóri Sunderland, var ekkert alltof kátur með framherja sinn Darren Bent þrátt fyrir að hann skoraði og liðið vann 5-2 sigur á Wolves í gær. Ástæðan er að Bent tók ekki seinna víti liðsins eins og hann átti að gera sem vítaskytta Sunderland.

„Þetta mun ekki gerast aftur. Svona gerir þú kannski út á leikvelli með vinum þínum en ekki í ensku úrvalsdeildinni," sagði Steve Bruce. Darren Bent, sem er vítaskytta liðsins, leyfði Kenwyne Jones að taka seinna víti liðsins í leiknum, eftir að hann beðið hann um það.

„Við eigum eina bestu vítaskyttuna í landinu í Dareen og þetta mun örugglega ekki gerast aftur. Við látum ekki einhvern annan fá boltann af því að honum langar svo að komast á blað. Það hefði orðið helvíti á jörðu fyrir þá félagana ef að hann hefði klikkað," sagði Bruce.