Valin versta fyrirmyndin

Victoria Beckham hefur verið valin óheilbrigðasta fyrirmynd síðustu 50 ára.

Samkvæmt heimildum breska dagblaðsins The Sun leiddi könnun sem gerð var á meðal ríflega 60 líkamsræktarfrömuða í ljós að Victoria þykir allt of grönn. Vilja þeir meina að holdafar hennar sé ekki frá náttúrunnar hendi, heldur haldi hún sér tággrannri með því að borða of lítið.

Ged Musto, einkaþjálfari sem tók þátt í könnuninni, segir Victoriu hafa tekið kaloríutakmörkun á nýtt plan. „Holdafar hennar er tilkomið vegna næringarskorts og allt of mikillar líkamsræktar. Hún er slæm fyrirmynd."