Hellisheiðin fær

Búið er að opna Hellisheiðina eftir að þar var ófært, bæði vegna þriggja bíla áreksturs í gær, og óðveðurs.

Vegagerðin kemur þeim skilaboðum áleiðis að þar er hálka og skafrenningur.

Þá er hálka á Sandskeiði og hálka og skafrenningur í Þrengslum. Hálkublettir og snjóþekja er víða í uppsveitum á Suðurlandi.

Á Vesturlandi er snjóþekja og hálkublettir. Hálka og éljagangur er á Holtavörðuheiði.

Á Vestfjörðum er snjóþekja, hálka og hálkublettir.

Á Norðurlandi er snjóþekja, hálka og hálkublettir.

Á Austurlandi eru hálkublettir. Hálkublettir og skafrenningur er á Fjarðarheiði.