Móðir níðings: Trúir á sakleysi sonar síns

„Alltaf gert það, hann er saklaus," svarar móðir tuttugu og fimm ára dæmds barnaníðings spurð hvort hún trúi því að sonur hennar sé saklaus af dómi sem hann hlaut í Héraðsdómi Reykjaness fyrr í vikunni. Þá var hann dæmdur í tveggja ára fangelsi fyrir að níðast á barnungri dóttur sinni. Amma barnsins var sjálf grunuð um að eiga hlutdeild í verknaðinn í upphafi en sá grunur var sleginn af þegar leið á rannsókn málsins, ekki reyndist fótur fyrir honum.

Móðir mannsins, sem er búsett í Reykjanesbæ, segist styðja hann heilshugar í þeim aðstæðum sem hann er nú í. „Ég skil börnin mín aldrei eftir," segir hún en hinn sonur hennar, og hálfbróðir hins dæmda, er einnig kynferðisbrotamaður samkvæmt dómsorði.

Í dómnum kemur einnig fram að barnið hafi dvalið dögum, jafnvel vikum saman hjá ömmu sinni.

Spurð hvort hún hafi tekið eftir kynferðislegri hegðun barnsins, líkt og lýst er í dómi, segist hún ekki hafa gert það. Hún bendir blaðamanni hinsvegar á eigin framburð í dómnum. Þar sem kemur fram að hún hafi oft orðið var við óeðlilega og kynferðislega hegðun barnsins. Hún hafi þá nokkrum sinnum komið að stúlkunni, sem er að verða fjögurra ára gömul, í kynferðislegum stellingum með bangsa. Að auki hafi hún heyrt barnið notað orðið „tyggja" yfir misnotkunina.

Móðirinn segir að eini karlmaðurinn sem umgekkst barnið, fyrir utan föður þess, hafi verið hálfbróðir hans, sem er dæmdur kynferðisbrotamaður.

Sonur hennar hefur hafið afplánun á Litla Hrauni. Hálfbróðir hans dvelur hinsvegar í Taílandi þessa daganna.