Ný þingkona ósátt við Icesave leynd

Birgitta Jónsdóttir, þingmaður Borgarahreyfingarinnar, segir leyndina sem umlykur Icesave málið enn meiri í ríkisstjórnartíð Vinstri grænna og Samfylkingarinnar en ríkisstjórnarinnar sem felld var fyrr í vetur.

Í bloggi sem ber fyrirsögnina Ekkert hefur breyst segir hún í dag: „[...]man hve kunningjar mínir í VG sem voru inni á þingi í desember og janúar voru í miklu uppnámi vegna þess að þau fengu engar upplýsingar - nú eru þau í stjórn og það sem vekur furðu mína að leyndin er meira að segja meiri en áður en hin stjórnin var felld."

Hún lýkur blogginu á að skora á stjórnarliða að „ráða bót á þessu leynimakki."

Blogg Birgittu má lesa hér.