Í heimsókn hjá Opruh

Söngkonan Whitney Houston ætlar að veita sitt fyrsta langa viðtal í tæp sjö ár í spjallþætti Opruh 14. september. Whitney, sem er 46 ára, ætlar í leiðinni að kynna sína nýjustu plötu, I Look At You, sem er sú fyrsta í sex ár.

Oprah sagði á heimasíðu sinni að viðtalið væri það viðtal sem mest hafi verið beðið eftir á þessum áratug. Í síðasta viðtali sínu við Diane Sawyer svaraði Whitney spurningum um eiturlyfjaneyslu sína á þennan hátt:

„Höfum það alveg á hreinu að krakk er ódýrt. Ég á of mikinn pening til að reykja krakk. Við notum það ekki. Krakk er bara drasl."