Tevez opnaði markareikninginn hjá City

Carlos Tevez skoraði sitt fyrsta mark fyrir Manchester City er liðið vann 2-0 sigur á Crystal Palace í ensku deildabikarkeppninni í kvöld.

Tevez skoraði með skalla eftir hornspyrnu en Shaun Wright-Phillips hafði komið City yfir fyrr í leiknum.

Crystal Palace komst nálægt því að skora í fyrri hálfleik en City var mun sterkari aðilinn í þeim síðari.

Joleon Lescott lék sinn fyrsta leik með Manchester City í kvöld en hann gekk á dögunum í raðir City frá Everton.

Mark Hughes, stjóri City, stillti upp sínu sterkasta liði í kvöld en hann ætlar sér án vafa að binda enda á 33 ára bið félagsins eftir titli.