Tvöfaldur Henrik

Henrik Baldvin Björnsson, oftast kenndur við Singapore Sling, verður með síðustu skipunum á jólaplötumarkaðinn í ár. Hann er á tveimur plötum sem væntanlegar eru um eða eftir helgina. Henrik og hinn ofurdjúpraddaði Toggi Guðmundsson eru Hank & Tank og ljúfsárt og snargrípandi rokkpopp þeirra verður hægt að heyra á plötunni Songs for the birds. Henrik er svo með unnustu sinni Elsu Maríu Blöndal í dúettinum The Go-go darkness, sem reiðir fram ýkt svalt töffararokk á samnefndri plötu.