Undarlegt að fá verðlaun

Hjartaknúsarinn Johnny Depp segist alltaf eiga jafn erfitt með að venjast því að fá leiklistarverðlaun. Depp fékk verðlaun fyrir æviframlag sitt til leiklistarinnar á alþjóðlegu kvikmyndahátíðinni á Bahamaeyjum.

„Þegar einhver segir við mig að ég eigi að fá verðlaun finnst mér það alltaf jafn undarlegt. Það fyrsta sem mér dettur í hug er „af hverju?“ sagði Depp. „Ég fer bara í vinnuna eins og hver annar, nema að það vill þannig til að vinnan mín er aðeins skrítnari.“ Það var leikarinn Sean Connery sem afhenti Depp verðlaunin á Bahamaeyjum.