Börnin halda þeim saman

Fyrir stuttu síðan fluttu tímaritin hið vestra fréttir af meintu sambandi söngvarans Chris Martin og leikkonunnar Kate Bosworth. Í kjölfarið hótaði Martin að fara í mál við tímaritið sem fyrst flutti fréttirnar. Enn sem komið er hefur Martin þó ekki látið verða af því og sögusagnirnar halda áfram.

Hjónaband Martins og eiginkonu hans, leikkonunnar Gwyneth Paltrow, stendur víst völtum fótum og eru börnin það eina sem heldur þeim saman.

„Þau eyða sjaldan tíma saman og eru oftast hvort í sinni heimsálfunni. Þau eiga lítið sameiginlegt lengur og Gwyneth hefur breyst mikið síðustu ár á meðan Chris er enn sá sami og hann var þegar þau kynntust," var haft eftir vini hjónanna.