Brotnaði saman í Soweto 18. desember 2009 03:15 hjá blettatígri Guðrún Dögg Rúnarsdóttir, Ungfrú Ísland, hjá blettatígri í Suður-Afríku. Ungfrú Ísland, Guðrún Dögg Rúnarsdóttir, er nýkomin heim eftir sex vikna ævintýri í Suður-Afríku þar sem hún tók þátt í keppninni Ungfrú heimur. Guðrún Dögg segir að það hafi verið mjög góð reynsla að taka þátt í keppninni en engu að síður erfitt. „Við fengum ekki mikinn svefn. Við vorum alltaf uppstrílaðar og fínar allan daginn. Þetta var rosalega mikil keyrsla," segir hún. „En þetta var líka rosalega gaman. Ég fékk að sjá helling af hlutum sem ég hefði ekki fengið að sjá nema að hafa farið út," segir hún og nefnir safarí- og dýragarðsferð þar sem hún sá fíla, ljón og alls kyns skemmtileg dýr. Stúlkurnar heimsóttu einnig Soweto-fátækrahverfið í Jóhannesarborg, sem tók heldur betur á taugarnar. „Það var rosalega erfitt að sjá það. Maður áttaði sig á því hvað maður hefur það gott á Íslandi. Þótt það sé kreppa þá hefur maður húsaskjól og mat sem þetta fólk hefur ekki," segir hún. „Þarna úti er fólk ekki með rennandi vatn, rafmagn eða klósett. Það á ekki neitt. Ég lenti í því að það kom tólf ára strákur upp að mér og bað mig um pening fyrir mat. Það var alveg svakalega erfitt fyrir mig og ég brotnaði bara saman á staðnum." Guðrún Dögg bætir við að hún kunni betur að meta fjölskyldu sína á Akranesi eftir hina sex vikna dvöl í Suður-Afríku. „Mér semur svo vel við báðar systur mína eftir að ég kom heim. Við vorum alltaf að rífast," segir hún og hlær. „Maður er miklu þakklátari fyrir það sem maður hefur." Hún eignaðist margar vinkonur meðal hinna fegurðardísanna í keppninni sem hún ætlar að halda áfram sambandi við, þar á meðal ungfrú Ísrael sem var herbergisfélagi hennar. Sú stúlka ætlar meira að segja að koma í heimsókn til Íslands í sumar. Kaiane Aldorino frá Gíbraltar, sem var kjörin ungfrú heimur, var einnig ein af bestu vinkonum Guðrúnar. „Ég er þvílíkt ánægð með að hún vann. Hún er rosalega ekta. Þetta er góð stelpa sem er ekkert að þykjast því sumar stelpurnar settu bara upp leikrit. Hún var alveg rosalega góð stelpa og átti algjörlega skilið að vinna þetta." Guðrún komst ekki í gegnum niðurskurðinn í keppninni en varð samt ekkert fyrir vonbrigðum. „Maður getur ekki horft á þetta þannig. Þeir skáru þetta svo rosalega mikið niður, alveg frá 112 stelpum niður í 16 þannig að líkurnar eru ekki miklar á að maður komist áfram. Ég man bara að við vorum ógeðslega fegnar eftir þetta því þetta var búið að vera svo lengi í gangi." Í byrjun næsta árs stefnir hún á að fara með móður sinni út fyrir landsteinana á rúnt um módelskrifstofur, þar á meðal eina sem er í London. „Ég ætla að kíkja út og sjá hvernig þetta fer. Þetta er rosalega virt skrifstofa og ljósmyndarinn sem er með hana er rosalega þekktur," segir hún en vill ekkert gefa frekar upp um málið að svo stöddu. freyr@frettabladid.is Mest lesið „Blessaður, þú ert með heilaæxli“ Lífið Einbýlishús með möguleika á makaskiptum Lífið Frumsýning á Vísi: Stikla fyrir aðra seríu af Bannað að hlæja Lífið Stórstjörnur í mögulegum ástarþríhyrningi Lífið Leikur Elsu Lund í fatla eftir vondan skell Lífið Segir Gleðigönguna ekki vera fyrir sig en styður baráttuna Lífið Stiklusúpa: Eins gott að þið spöruðuð frídaga inn í haustið Leikjavísir Sagan þegar Villi Vill ákvað að lagið Söknuður yrði í eigin jarðarför Lífið Taylor Swift trúlofuð Lífið Will Smith sakaður um að falsa áhorfendur með gervigreind Lífið Fleiri fréttir Berbrjósta og bleikhærðar með byltingu Taylor Swift trúlofuð Taumlaus gleði og stjörnum prýddir tónleikar Stórstjörnur í mögulegum ástarþríhyrningi Leikur Elsu Lund í fatla eftir vondan skell Segir Gleðigönguna ekki vera fyrir sig en styður baráttuna Einbýlishús með möguleika á makaskiptum Sagan þegar Villi Vill ákvað að lagið Söknuður yrði í eigin jarðarför Frumsýning á Vísi: Stikla fyrir aðra seríu af Bannað að hlæja Dansinn dunaði á Menningarnótt Will Smith sakaður um að falsa áhorfendur með gervigreind Lil Nas X laus gegn tryggingu „Blessaður, þú ert með heilaæxli“ Woody Allen segist enginn aðdáandi Pútíns Ein glæsilegasta leikkona landsins selur slotið Lil Nas X ákærður fyrir brot á alríkislögum Ljúffengir hafraklattar með kaffinu Þetta eru keppendur Ungfrú Ísland Teen 2025 Hegðun Benedikts kom upp um bónorðið „Hjálpar okkur í að nýta þjónustu sem er ekki til á Íslandi í dag en ætti að vera til“ Fagurkeri selur miðbæjarperlu „Ég trúði því aldrei að ég yrði þessi gaur“ Sonur Rögnu og Árna kominn með nafn Stjörnulífið: Maraþon, brúðkaup og gellugallinn Myndaveisla: Vestri fékk konunglegar móttökur á Ísafirði Kom með blóðugar tær í mark eftir heilt maraþon berfættur Tóku hlé í miðju hlaupi til að halda tónleika Skúli hannaði hof fyrir Grímu Fann nýjan tilgang í kjölfar lömunar í kraftlyftingum Eyðir afmælisdegi dótturinnar í fasteignadeilur Sjá meira
Ungfrú Ísland, Guðrún Dögg Rúnarsdóttir, er nýkomin heim eftir sex vikna ævintýri í Suður-Afríku þar sem hún tók þátt í keppninni Ungfrú heimur. Guðrún Dögg segir að það hafi verið mjög góð reynsla að taka þátt í keppninni en engu að síður erfitt. „Við fengum ekki mikinn svefn. Við vorum alltaf uppstrílaðar og fínar allan daginn. Þetta var rosalega mikil keyrsla," segir hún. „En þetta var líka rosalega gaman. Ég fékk að sjá helling af hlutum sem ég hefði ekki fengið að sjá nema að hafa farið út," segir hún og nefnir safarí- og dýragarðsferð þar sem hún sá fíla, ljón og alls kyns skemmtileg dýr. Stúlkurnar heimsóttu einnig Soweto-fátækrahverfið í Jóhannesarborg, sem tók heldur betur á taugarnar. „Það var rosalega erfitt að sjá það. Maður áttaði sig á því hvað maður hefur það gott á Íslandi. Þótt það sé kreppa þá hefur maður húsaskjól og mat sem þetta fólk hefur ekki," segir hún. „Þarna úti er fólk ekki með rennandi vatn, rafmagn eða klósett. Það á ekki neitt. Ég lenti í því að það kom tólf ára strákur upp að mér og bað mig um pening fyrir mat. Það var alveg svakalega erfitt fyrir mig og ég brotnaði bara saman á staðnum." Guðrún Dögg bætir við að hún kunni betur að meta fjölskyldu sína á Akranesi eftir hina sex vikna dvöl í Suður-Afríku. „Mér semur svo vel við báðar systur mína eftir að ég kom heim. Við vorum alltaf að rífast," segir hún og hlær. „Maður er miklu þakklátari fyrir það sem maður hefur." Hún eignaðist margar vinkonur meðal hinna fegurðardísanna í keppninni sem hún ætlar að halda áfram sambandi við, þar á meðal ungfrú Ísrael sem var herbergisfélagi hennar. Sú stúlka ætlar meira að segja að koma í heimsókn til Íslands í sumar. Kaiane Aldorino frá Gíbraltar, sem var kjörin ungfrú heimur, var einnig ein af bestu vinkonum Guðrúnar. „Ég er þvílíkt ánægð með að hún vann. Hún er rosalega ekta. Þetta er góð stelpa sem er ekkert að þykjast því sumar stelpurnar settu bara upp leikrit. Hún var alveg rosalega góð stelpa og átti algjörlega skilið að vinna þetta." Guðrún komst ekki í gegnum niðurskurðinn í keppninni en varð samt ekkert fyrir vonbrigðum. „Maður getur ekki horft á þetta þannig. Þeir skáru þetta svo rosalega mikið niður, alveg frá 112 stelpum niður í 16 þannig að líkurnar eru ekki miklar á að maður komist áfram. Ég man bara að við vorum ógeðslega fegnar eftir þetta því þetta var búið að vera svo lengi í gangi." Í byrjun næsta árs stefnir hún á að fara með móður sinni út fyrir landsteinana á rúnt um módelskrifstofur, þar á meðal eina sem er í London. „Ég ætla að kíkja út og sjá hvernig þetta fer. Þetta er rosalega virt skrifstofa og ljósmyndarinn sem er með hana er rosalega þekktur," segir hún en vill ekkert gefa frekar upp um málið að svo stöddu. freyr@frettabladid.is
Mest lesið „Blessaður, þú ert með heilaæxli“ Lífið Einbýlishús með möguleika á makaskiptum Lífið Frumsýning á Vísi: Stikla fyrir aðra seríu af Bannað að hlæja Lífið Stórstjörnur í mögulegum ástarþríhyrningi Lífið Leikur Elsu Lund í fatla eftir vondan skell Lífið Segir Gleðigönguna ekki vera fyrir sig en styður baráttuna Lífið Stiklusúpa: Eins gott að þið spöruðuð frídaga inn í haustið Leikjavísir Sagan þegar Villi Vill ákvað að lagið Söknuður yrði í eigin jarðarför Lífið Taylor Swift trúlofuð Lífið Will Smith sakaður um að falsa áhorfendur með gervigreind Lífið Fleiri fréttir Berbrjósta og bleikhærðar með byltingu Taylor Swift trúlofuð Taumlaus gleði og stjörnum prýddir tónleikar Stórstjörnur í mögulegum ástarþríhyrningi Leikur Elsu Lund í fatla eftir vondan skell Segir Gleðigönguna ekki vera fyrir sig en styður baráttuna Einbýlishús með möguleika á makaskiptum Sagan þegar Villi Vill ákvað að lagið Söknuður yrði í eigin jarðarför Frumsýning á Vísi: Stikla fyrir aðra seríu af Bannað að hlæja Dansinn dunaði á Menningarnótt Will Smith sakaður um að falsa áhorfendur með gervigreind Lil Nas X laus gegn tryggingu „Blessaður, þú ert með heilaæxli“ Woody Allen segist enginn aðdáandi Pútíns Ein glæsilegasta leikkona landsins selur slotið Lil Nas X ákærður fyrir brot á alríkislögum Ljúffengir hafraklattar með kaffinu Þetta eru keppendur Ungfrú Ísland Teen 2025 Hegðun Benedikts kom upp um bónorðið „Hjálpar okkur í að nýta þjónustu sem er ekki til á Íslandi í dag en ætti að vera til“ Fagurkeri selur miðbæjarperlu „Ég trúði því aldrei að ég yrði þessi gaur“ Sonur Rögnu og Árna kominn með nafn Stjörnulífið: Maraþon, brúðkaup og gellugallinn Myndaveisla: Vestri fékk konunglegar móttökur á Ísafirði Kom með blóðugar tær í mark eftir heilt maraþon berfættur Tóku hlé í miðju hlaupi til að halda tónleika Skúli hannaði hof fyrir Grímu Fann nýjan tilgang í kjölfar lömunar í kraftlyftingum Eyðir afmælisdegi dótturinnar í fasteignadeilur Sjá meira