Milli himins og jarðar 18. desember 2009 05:00 leiklist Axel Hallkell Jóhannesson á útjaðri netsins yfir sviðsbrún Stóra sviðsins. Fréttablaðið/Stefán Nú standa yfir æfingar á sviðsetningu Vesturports og Leikfélags Reykjavíkur í Borgarleikhúsi á Faust. Leikmyndina fyrir sýninguna gerir Axel Hallkell Jóhannesson en hún er afar sérstök og mótar í raun þessa aldagömlu arfsögn vestrænnar menningar alveg upp á nýtt. Sá Faust sem leikhúsgestir munu sjá frá frumsýningunni þann 15. janúar verður allt allt öðruvísi en leikhúsgestir hafa til þessa séð og þótt víðar væri leitað. Faust er kunnastur í gerð Goethes hins þýska sem samdi verkið í löngum bálki sem sjaldan sést. Þá hafa óperuhöfundar leitað í söguna um fræðimanninn aldna sem selur sál sína djöflinum og þiggur æskuna fyrir. Marlowe vann einnig eina útgáfu verksins fyrir svið, samtímamaður Shakespeares. Þegar hópurinn tók að skoða söguna ákváðu menn að semja sína eigin útgáfu og eru þau Björn Hlynur, Gísli Örn, Nína Dögg og Víkingur skráð höfundar verksins. Sagan gerist bæði á jörðu og eins og leikmyndin er – á himni: „Þau voru með einhverja hugmynd um að nota net, þegar ég kom að þessu,“ segir Axel. Og í samvinnu þeirra Gísla, sem leikstýrir sýningunni, varð það úr að leitað var að almennilegu sirkusneti og það fannst í Kanada hjá aðila sem framleiðir net fyrir fjölleikahús og reyndar fleiri aðila. Það trúir því enginn nema hann sjái það – en yfir aðalsal Borgarleikhússins og vel inn á svið er nú strengt net, fest í bakhlið salarins og langt inn í sviðið. Það er strengt á vírum og þurfti að leita að burðarpunktum í húsinu með aðstoð verkfræðinga, festa allt víraverkið upp með sérstökum burðarbitum á sérpantaða strekkjara með öryggislokum því netið fer undir brunatjaldið og verður að vera mögulegt að fella það á augabragði ef þörf krefur. Á netinu rétt eins og framsviðinu fer atburðarás sýningarinnar fram. Axel er ekki margmáll um hvað gerist á netinu sjálfu en af aðstæðum má ljóst vera að leikhópurinn hefur í þessari sýningu möguleika á að koma áhorfendum sínum heldur betur á óvart. Axel segir að síðustu vikunnar hafi hann lagt nótt við dag: hann er líka að vinna leikmynd á sama tíma fyrir fjórða ár Listaháskólans á nýju verki Sigtryggs Magnasonar eftir nokkurt hlé: „Þau vilja koma í kippum verkefnin,“ segir hann. „Ég veit varla hvað ég heiti lengur. Það var svo mörgu ósvarað þegar hugmyndin tók að þróast, en núna er þetta farið að sýna sig.“ Það er ekki fyrir lofthrædda leikara að vinna í þessari leikmynd og verður gaman að sjá þá fóta sig. Leikarar í sýningunni eru Björn Hlynur Haraldsson, Þorsteinn Gunnarsson, Hilmir Snær Guðnason, Unnur Ösp Stefánsdóttir, Nína Dögg Filippusdóttir, Hanna María Karlsdóttir, Rúnar Freyr Gíslason, Víkingur Kristjánsson og Jóhannes Níels Sigurðsson. Þórður Orri Pétursson fær það spennandi verkefni að lýsa sýninguna en Filippía Elísdóttir gerir búninga og Sigríður Rósa Bjarnadóttir gervi. Tónlistin er eftir þá Nick Cave og Warren Ellis, en Frank Þórir Hall er tónlistarstjóri og Thorbjørn Knudsen hannar hljóðheim verksins. Frumsýning er eftir rétt mánuð, þann 15. janúar og mun vekja mikla athygli þegar himinn og helvíti takast á um sálirnar. pbb@frettabladid.is Mest lesið „Stundum finnst mér hún vera farin þó hún sé enn á lífi“ Lífið Hermína sem missti folald og móðurlaus Tígull fundu hvort annað Lífið Hvetur fólk til að taka sjálfu með „þessu glæsiklofi“ Lífið Krakkatían: Litla hafmeyjan, Pollapönk og lundar Lífið Fann ástina á Balí en nýtur hennar í Kóreu Lífið Myndasyrpa úr Eyjum: „Út með kassann og áfram gakk“ Lífið „Það var tímapunktur sem ég talaði aldrei um neitt“ Menning Menningarperlan aftur komin í sitt gamla horf Lífið Þrettán bestu lög Ozzy Osbourne Lífið „Þarna fylltist hjartað af hamingju“ Lífið Fleiri fréttir Menningarperlan aftur komin í sitt gamla horf Hvetur fólk til að taka sjálfu með „þessu glæsiklofi“ Hermína sem missti folald og móðurlaus Tígull fundu hvort annað „Stundum finnst mér hún vera farin þó hún sé enn á lífi“ Krakkatían: Litla hafmeyjan, Pollapönk og lundar Myndasyrpa úr Eyjum: „Út með kassann og áfram gakk“ Fann ástina á Balí en nýtur hennar í Kóreu „Þarna fylltist hjartað af hamingju“ Fréttatía vikunnar: Verslunarmannahelgin, forsetaheimsókn og mannasaur Robert Wilson er látinn Gary Busey játar kynferðisbrot Nýja Kardashian-gríman breytir Hopkins aftur í Lecter Þrettán bestu lög Ozzy Osbourne Mannblendnir refir slá í gegn á Snæfellsnesi Einar og Milla eignuðust dreng Justin Timberlake með Lyme-sjúkdóm Útskúfaður úr Hollywood vegna kossareglunnar Dularfullur veðurbreytir Jakobs Frímanns og maðurinn á bak við hann Uppljóstrar um síðustu skilaboðin sem hann fékk frá Ozzy Góðhjartaður dýrahirðir og tæknigúrú Draumabrúðkaup í sextíu ára gömlum kjól frá ömmu Tugþúsundir vottuðu Ozzy virðingu Kokkarnir á Strikinu með stjörnur í augunum þegar Bon Jovi mætti Síðasta Þjóðhátíðin í bili hjá FM95BLÖ Spámenn bjóða betur en veðurfræðingar Ætlar í pásu frá giggum Forseti Alþingis snæddi kvöldverð með Michael Douglas Sjóðheitt og splunkunýtt Hollywood par Katrín Edda selur í Hlíðunum Þriggja ára snáði stal senunni í messu í Fljótshlíð Sjá meira
Nú standa yfir æfingar á sviðsetningu Vesturports og Leikfélags Reykjavíkur í Borgarleikhúsi á Faust. Leikmyndina fyrir sýninguna gerir Axel Hallkell Jóhannesson en hún er afar sérstök og mótar í raun þessa aldagömlu arfsögn vestrænnar menningar alveg upp á nýtt. Sá Faust sem leikhúsgestir munu sjá frá frumsýningunni þann 15. janúar verður allt allt öðruvísi en leikhúsgestir hafa til þessa séð og þótt víðar væri leitað. Faust er kunnastur í gerð Goethes hins þýska sem samdi verkið í löngum bálki sem sjaldan sést. Þá hafa óperuhöfundar leitað í söguna um fræðimanninn aldna sem selur sál sína djöflinum og þiggur æskuna fyrir. Marlowe vann einnig eina útgáfu verksins fyrir svið, samtímamaður Shakespeares. Þegar hópurinn tók að skoða söguna ákváðu menn að semja sína eigin útgáfu og eru þau Björn Hlynur, Gísli Örn, Nína Dögg og Víkingur skráð höfundar verksins. Sagan gerist bæði á jörðu og eins og leikmyndin er – á himni: „Þau voru með einhverja hugmynd um að nota net, þegar ég kom að þessu,“ segir Axel. Og í samvinnu þeirra Gísla, sem leikstýrir sýningunni, varð það úr að leitað var að almennilegu sirkusneti og það fannst í Kanada hjá aðila sem framleiðir net fyrir fjölleikahús og reyndar fleiri aðila. Það trúir því enginn nema hann sjái það – en yfir aðalsal Borgarleikhússins og vel inn á svið er nú strengt net, fest í bakhlið salarins og langt inn í sviðið. Það er strengt á vírum og þurfti að leita að burðarpunktum í húsinu með aðstoð verkfræðinga, festa allt víraverkið upp með sérstökum burðarbitum á sérpantaða strekkjara með öryggislokum því netið fer undir brunatjaldið og verður að vera mögulegt að fella það á augabragði ef þörf krefur. Á netinu rétt eins og framsviðinu fer atburðarás sýningarinnar fram. Axel er ekki margmáll um hvað gerist á netinu sjálfu en af aðstæðum má ljóst vera að leikhópurinn hefur í þessari sýningu möguleika á að koma áhorfendum sínum heldur betur á óvart. Axel segir að síðustu vikunnar hafi hann lagt nótt við dag: hann er líka að vinna leikmynd á sama tíma fyrir fjórða ár Listaháskólans á nýju verki Sigtryggs Magnasonar eftir nokkurt hlé: „Þau vilja koma í kippum verkefnin,“ segir hann. „Ég veit varla hvað ég heiti lengur. Það var svo mörgu ósvarað þegar hugmyndin tók að þróast, en núna er þetta farið að sýna sig.“ Það er ekki fyrir lofthrædda leikara að vinna í þessari leikmynd og verður gaman að sjá þá fóta sig. Leikarar í sýningunni eru Björn Hlynur Haraldsson, Þorsteinn Gunnarsson, Hilmir Snær Guðnason, Unnur Ösp Stefánsdóttir, Nína Dögg Filippusdóttir, Hanna María Karlsdóttir, Rúnar Freyr Gíslason, Víkingur Kristjánsson og Jóhannes Níels Sigurðsson. Þórður Orri Pétursson fær það spennandi verkefni að lýsa sýninguna en Filippía Elísdóttir gerir búninga og Sigríður Rósa Bjarnadóttir gervi. Tónlistin er eftir þá Nick Cave og Warren Ellis, en Frank Þórir Hall er tónlistarstjóri og Thorbjørn Knudsen hannar hljóðheim verksins. Frumsýning er eftir rétt mánuð, þann 15. janúar og mun vekja mikla athygli þegar himinn og helvíti takast á um sálirnar. pbb@frettabladid.is
Mest lesið „Stundum finnst mér hún vera farin þó hún sé enn á lífi“ Lífið Hermína sem missti folald og móðurlaus Tígull fundu hvort annað Lífið Hvetur fólk til að taka sjálfu með „þessu glæsiklofi“ Lífið Krakkatían: Litla hafmeyjan, Pollapönk og lundar Lífið Fann ástina á Balí en nýtur hennar í Kóreu Lífið Myndasyrpa úr Eyjum: „Út með kassann og áfram gakk“ Lífið „Það var tímapunktur sem ég talaði aldrei um neitt“ Menning Menningarperlan aftur komin í sitt gamla horf Lífið Þrettán bestu lög Ozzy Osbourne Lífið „Þarna fylltist hjartað af hamingju“ Lífið Fleiri fréttir Menningarperlan aftur komin í sitt gamla horf Hvetur fólk til að taka sjálfu með „þessu glæsiklofi“ Hermína sem missti folald og móðurlaus Tígull fundu hvort annað „Stundum finnst mér hún vera farin þó hún sé enn á lífi“ Krakkatían: Litla hafmeyjan, Pollapönk og lundar Myndasyrpa úr Eyjum: „Út með kassann og áfram gakk“ Fann ástina á Balí en nýtur hennar í Kóreu „Þarna fylltist hjartað af hamingju“ Fréttatía vikunnar: Verslunarmannahelgin, forsetaheimsókn og mannasaur Robert Wilson er látinn Gary Busey játar kynferðisbrot Nýja Kardashian-gríman breytir Hopkins aftur í Lecter Þrettán bestu lög Ozzy Osbourne Mannblendnir refir slá í gegn á Snæfellsnesi Einar og Milla eignuðust dreng Justin Timberlake með Lyme-sjúkdóm Útskúfaður úr Hollywood vegna kossareglunnar Dularfullur veðurbreytir Jakobs Frímanns og maðurinn á bak við hann Uppljóstrar um síðustu skilaboðin sem hann fékk frá Ozzy Góðhjartaður dýrahirðir og tæknigúrú Draumabrúðkaup í sextíu ára gömlum kjól frá ömmu Tugþúsundir vottuðu Ozzy virðingu Kokkarnir á Strikinu með stjörnur í augunum þegar Bon Jovi mætti Síðasta Þjóðhátíðin í bili hjá FM95BLÖ Spámenn bjóða betur en veðurfræðingar Ætlar í pásu frá giggum Forseti Alþingis snæddi kvöldverð með Michael Douglas Sjóðheitt og splunkunýtt Hollywood par Katrín Edda selur í Hlíðunum Þriggja ára snáði stal senunni í messu í Fljótshlíð Sjá meira