Kínverji með fyrirlestur

Kínverjinn Ni Bing, sem hefur mikið látið að sér kveða í tónleikahaldi og klúbbasenunni í Kína, hefur bæst í hóp þeirra sem halda fyrirlestur á ráðstefnunni You Are In Control sem fer fram í Reykjavík í september.

Ni Bing, sem er eigandi fyrirtækisins Lychee Productions, er einnig plötusnúður og blaðamaður. Hann er mjög spenntur fyrir því að koma til Íslands enda búinn að vera aðdáandi Bjarkar, Sigur Rósar og Gus Gus lengi.

Hann hyggst dvelja á Íslandi í fjóra daga eftir að ráðstefnunni lýkur til þess að vinna að blaðagrein um íslenska tónlist og menningu.