Megan Fox er geðveik

Kynbomban Megan Fox, sem er þekktust fyrir leik sinn í kvikmyndinni Transformers, sagði í nýlegu viðtali að hún héldi að hún væri haldin einhvers konar geðröskun.

Í sama viðtali sagðist hún óttast að hún hlyti sömu örlög og ofurbomban Marilyn Monroe. „Ég hef lesið allar bækur sem til eru um Marilyn Monroe. Ég gæti auðveldlega endað eins og hún því stundum held ég að ég þjáist af geðklofa eða þunglyndi. Ég á alveg örugglega við einhvers konar geðvandamál að stríða, ég veit bara ekki hver þau eru enn þá,“ sagði leikkonan fagra.