Newcastle slátraði Ipswich

Newcastle vann í gær 4-0 sigur á Ipswich í ensku B-deildinni og kom sér þar með á topp deildarinnar. Kevin Nolan skoraði þrennu fyrir Newcastle og Ryan Taylor eitt mark.

Ipswich hefur byrjað skelfilega á tímabilinu og er í næstneðsta sæti deildarinnar með fjögur stig eftir níu leiki. Roy Keane er knattspyrnustjóri liðsins. Newcastle er með 22 stig og tveggja stiga forystu á næsta lið, West Brom.

Bobby Robson var minnst bæði fyrir leik og í hálfleik en hann þjálfaði bæði lið á sínum tíma. Hann lést í sumar.

Robson þjálfaði Ipswich frá 1969 til 1982 og Newcastle frá 1999 til 2004.