Hætt hjá Birtíngi og stefnir á doktorsnám

Elín G. Ragnarsdóttir, framkvæmdarstjóri Birtíngs útgáfufélags, hætti þar störfum í dag. Elín sem tekið hefur þátt í mikilli uppbyggingu á útgáfunni undanfarið segist kveðja fyrirtækið sátt en Sverrir Arngrímsson sem hefur verið fjármálastjóri hefur tekið við starfi Elínar. Ásmundur Helgason eiginmaður Elínar hætti einnig sem sölu- og markaðsstjóri hjá félaginu í dag.

„Ég seldi minn hlut í fyrirtækinu og því var eðlilegt að samið yrði um starfslok við mig í kjölfarið. Það var síðan bara ákvörðun Hreins hvort hann vildi halda Ása áfram eða ekki," segir Elín og á þar við Hrein Loftsson stjórnarformann Birtíngs sem á nú um 98% í félaginu í gegnum félagið Hjálm ehf.

Nýr sölu-og markaðsstjóri er Elísabet Austmann Ingimundardóttir og yfirmaður á sviði dreifingar og þjónustu er Karl Steinar Óskarsson.

Elín segist kveðja sátt og stefnir nú á að skella sér í doktorsnám.