Walcott klár í slaginn um helgina

Theo Walcott gæti komið við sögu í sínum fyrsta leik með Arsenal í ensku úrvalsdeildinni á núverandi tímabili er liðið mætir Blackburn um helgina.

Walcott hefur átt við bakmeiðsli að stríða og hann missti af leik Arsenal gegn Olympiakos í Meistaradeild Evrópu í gær.

Hann spilaði þó í æfingaleik gegn U-20 ára liði Olympiakos á mánudaginn og staðfesti Arsene Wenger, stjóri Arsenal, að hann yrði klár í slaginn um helgina.

„Hann getur bæði spilað með okkur um helgina og þá verður hann einnig leikfær fyrir landsleikina sem eru framundan í næsta mánuði," sagði Wenger.