Dalglish er opinn fyrir því að snúa aftur til Liverpool

Kenny Dalglish segir að enginn frá Liverpool hafi talað við sig um að snúa aftur á Anfield en játar því að hann hefði mjög gaman að því að fá stöðu innan félagsins í framtíðinni.

Kenny Dalglish er orðinn 58 ára gamall en hann hefur ekki verið hjá Liverpool síðan að hætti sem stjóri liðsins í febrúar 1991.

Kenny Dalglish vann átta meistaratitla sem leikmaður eða stjóri Liverpool á 14 árum en Liverpool keypti hann frá Celtic árið 1977. Liverpool hefur ekki orðið meistari síðan að hann yfirgaf Anfield.

„Ef ég gæti hjálpað félaginu á einhvern hátt þá myndi ég þykja mjög vænt um það. Ef að félagið vill ekki nota mig þá tek ég því ekkert illa heldur," sagði Kenny Dalglish í viðtalið við Liverpool-blaðið.

„Eins og staðan er núna þá get ég ekki sagt neitt meira en að það er ekkert í gangi. Stuðningsmennirnir sem halda lífinu í félaginu, verða fyrstir til að frétta ef eitthvað gerist," sagði Dalglish.