Lampard: Rooney yrði flottur í brasilíska landsliðinu

England og Brasilía mætast í vináttulandsleik í Katar á laugardag. Frank Lampard sat fyrir svörum blaðamanna í dag.

Lampard sagði að fjölmargir leikmanna enska landsliðsins ættu erindi í brasilíska liðið.

„Við eigum að trúa á okkur því við höfum menn sem eru í heimsklassa," sagði Lampard.

„Við erum með menn eins og Rooney, Gerrard, Terry og Rio. Þessir menn eru meðal þeirra bestu í heiminum og ég er handviss um að Brasilía myndi vilja þá í sitt lið.

Rooney yrði örugglega efstur á lista þeirra því hann er maður sem getur búið til eitthvað sérstakt. Hann er hæfileikaríkasti leikmaður liðsins og sá besti sem ég hef spilað með í landsliðinu. Hann getur búið til og skorað mörk upp úr engu," sagði Lampard.