Umfjöllun: Eyjamenn lönduðu sigri á Stjörnunni

Það var leiðindaveður í Vestmannaeyjum í kvöld þegar ÍBV tók á móti Stjörnunni í miklum baráttuleik sem endaði með 1-0 sigri Eyjamanna. Aðstæður voru afar leiðinlegar í kvöld en hávaðarok stóð á annað markið svo ekki var við neinum sambabolta að búast.

Liðin byrjuðu þó leikinn með miklum krafti og það var ljóst að hvorugt ætlaði að gefa eftir. Stjörnumenn áttu fyrsta færi leiksins þegar Björn Pálsson átti góða sendingu á Jóhann Laxdal sem komst einn inn fyrir vörn ÍBV en skot hans var slakt og Albert Sævarsson varði.

Ekki var mikið um nein afgerandi færi í fyrri hálfleiknum en þegar var komið framyfir venjulegan leiktíma brutu Eyjamenn ísinn. Chris Clements tók hornspyrnu og spyrnti á fjærstöng. Þar kom Andri Ólafsson á mikilli ferð, skallaði boltann í netið af miklum krafti án þess að Bjarni Þórður kæmi nokkrum vörnum við.

Seinni hálfleikurinn munlíklega ekki fara í sögubækurnar fyrir fallega knattspyrnu en liðin spiluðu mikinn háloftabolta ogspyrntu markanna á milli. Stjörnumenn hefðu getað jafnað leikinn nokkrum sinnum í seinni hálfleik en tréverkin sáu til þessað ÍBV hélt forystunni til enda. Bæði Halldór Orri Björnsson og Hafsteinn Rúnar Helgason áttu frábær skot í stöng og slá en allt kom fyrir ekki.

Þegar komið var framyfir venjulegan leiktíma fékkDaníel Laxdal, fyrirliði Stjörnunnar, að líta rauða spjaldið fyrir að sparka til Gauta Þorvarðarsonar sem hafði komið inn á sem skiptimaður. Frekar vafasamur dómur hjá annars góðum dómara leiksins Einar Erni Daníelssyni

Eftir rauða spjaldið héldu Eyjamenn boltanum vel og gáfu engin færi á sér þangað til að dómarinn flautaði leikinn af. Eyjamenn hafa því unnið tvo leiki í röð og var þetta fyrsti leikurinn þeirra í sumar sem þeir héldu hreinu. Stjörnumenn hafa hinsvegar ekki alveg náð taktinum á útivelli en eru nánast ósigrandi á heimavelli.

ÍBV-Stjarnan 1-0

1-0 (Andri Ólafsson 45.)

Hásteinsvöllur: Vestmannaeyjar.

Dómari: Einar Örn Daníelsson 7

Skot (á mark): 8-10 (5-7)

Varin skot: Albert 3 - Bjarni 4

Horn: 5-6

Aukaspyrnur fengnar: 14-19

Rangstöður: 4-3

ÍBV (4-5-1)

Albert Sævarsson 6

Pétur Runólfsson 6

Eiður Aron Sigurbjörnsson 5

(45. Þórarinn Valdimarsson 4)

Andrew Mwesigwa 6

Matt Garner 6

Ajay Leicht Smith 6

Chris Clements 6

Arnór Eyvar Ólafsson 3

Andri Ólafsson 7

(82. Atli Guðjónsson -)

Augustine Nsumba 5

(76. Gauti Þorvarðarson -)

Tonny Mawejje 5

Stjarnan (4-5-1)

Bjarni Þórður Halldórsson 6

Guðni Rúnar Helgason 6

Tryggvi Bjarnason 5

Daníel Laxdal 6

Hafsteinn Rúnar Helgason 6

Jóhann Laxdal 6

Björn Pálsson 6

Birgir Hrafn Birgsisson 5

(67. Andri Sigurjónsson 4)

Arnar Már Björgvinsson 3

(76. Baldvin Sturluson -)

Halldór Orri Björnsson 5

Ellert Hreinsson 5