Kapphlaupið um Ribery heldur áfram - verðmiðinn 70 milljónir punda

Samkvæmt þýskum fjölmiðlum ætlar Bayern München ekki að víkja frá 70 milljón punda verðmiðanum sem félagið setti á franska vængmanninn Franck Ribery en Chelsea og Manchester City er bæði sögð íhuga að bjóða í leikmanninn þegar félagaskiptaglugginn opnar í janúar.

Hinn 26 ára gamli Ribery er samningsbundinn Bayern München til ársins 2011 en hefur ekki farið leynt með vilja sinn að yfirgefa herbúðir þýska félagsins.

Ribery lét hafa eftir sér að hann vildi frekar fara til Spánar heldur en Englands en peningar geta gert ótrúlega hluti oft á tíðum og samkvæmt breskum fjölmiðlum eru forráðamenn City sagði tilbúnir að bjóða Ribery laun upp á hvorki meira né minna en 200 þúsund pund á viku.