Skildu á 42 sekúndum sléttum

Glyðran Jordan, eða Katie Price, og fornfrægi poppsöngvarinn Peter André skildu á 42 sekúndum samkvæmt götublaðinu The Sun. Þau höfðu verið gift í fjögur ár og eiga eitt barn saman. Svo tókst þeim að skilja á 42 sekúndum.

Ástæðuna fyrir skilnaðinum sögðu þau vera ósættanlegan ágreining. Hjónabandið endaði í gær en þau hafa verið gríðarlega mikið í breskum fjölmiðlum undanfarið vegna skilnaðarins. Og þá er engum hlíft því í einu viðtalinu sagði Peter að hann þyldi ekki að sjá drenginn sinn logandi hræddan við hlið fáklæddrar móður á opinberum vettvangi.

Sjálf sagði Jordan að henni hefði verið nauðgað en kærasti hennar var sakaður um að leika í bíómynd sem sýndi nauðgun í jákvæðu ljósi. Og þó þau vildu, og sennilega helst sonur þeirra, þá mun þessi fjölmiðlasirkus sennilega ekki enda á 42 sekúndum sléttum líkt og hjónabandið.