Andrey Arshavin verður með Arsenal á móti Fulham

Arsene Wenger, stjóri Arsenal, hefur staðfest það að Rússinn Andrey Arshavin sé búinn að ná sér af meiðslunum sem hann varð fyrir í landsleik með Rússum á dögunum og kostaði hann tvo deildarleiki á móti Manchester City og Wigan.

„Arshavin ætti að vera orðin klár og mun gefa okkur áhugaverða möguleika í sóknarleiknum. Hann er líka alltaf mjög öflugur á útivelli og er svona leikmaður sem getur komið upp á hárréttum tíma í leikjunum," sagði Arsene Wenger.

Andrey Arshavin hefur skorað 7 mörk og gefið 8 stoðsendingar í 15 deildarleikjum með Arsenal en eina deildarmarkið hans á þessu tímabili kom í síðasta leik hans sem var á móti Manchester United á Old Trafford.

Arsene Wenger sagðist líka vonast eftir því að Robin van Persie verði orðinn góður fyrir Fulham-leikinn en hann meiddist á móti Wigan um síðustu helgi. Wenger tilkynnti það líka að það styttist óðum í endurkomu Theo Walcott sem hefur verið að glíma við bakmeiðsli og ekkert spilað á þessu tímabili.