Wayne Rooney: Búinn að skrá sig á fyrsta þjálfaranámskeiðið

Wayne Rooney, leikmaður Englandsmeistara Manchester United, er þegar farinn að undirbúa lífið eftir fótboltann þó að hann sé enn bara 23 ára gamall og eigi sín bestu ár eftir í boltanum. Rooney er nefnilega farinn á UEFA-þjálfaranámskeið ásamt þremur reynsluboltum úr United-liðinu.

Sir Alex Ferguson hefur stutt leikmenn sína til þess að fara á þjálfaranámskeiðið en auk Rooney eru þeir Rio Ferdinand, Paul Scholes og Edwin van der Sar með á námskeiðinu. Van der Sar verður fertugur á næsta ári og hinir tveir eru komnir inn á fertugsaldurinn og því öfugt við Rooney farin að sjá glitta í enda ferilsins.

„Það sem þú tekur strax eftir með Rooney er að hann lifir fyrir fótboltann. Hann elskar æfingarnar svo mikið að þarf að draga hann í burtu þegar æfingin er búinn. Hann er meira segja tilbúinn að spila í marki," sagði Ferguson.

Ferguson hefur alið af sér marga verðandi stjóra en meðal leikmanna hans sem hafa orðið knattspyrnustjórar eru Mark Hughes, Roy Keane, Steve Bruce, Alex McLeish, Gordon Strachan, Paul Ince, Mark Robbins, Bryan Robson og svo auðvitað sonur hans Darren.