Sörensen framlengir við Stoke

Danski landsliðsmarkvörðurinn Thomas Sörensen mun á næstu dögum framlengja samning sinn við Stoke City.

Sörensen hefur verið afar stöðugur á milli stanganna hjá félaginu síðan hann gekk í raðir þess árið 2008 er Stoke komst í úrvalsdeildina.

Sörensen, 33 ára, er afar ánægður í herbúðum félagsins og lýsti yfir vilja til þess að vera þar áfram. Menn þar á bæ voru ánægðir með það og ætla að gera við hann nýjan samning.

Sörensen segir að allt sé klárt og aðeins eigi eftir að skrifa undir nýja samninginn.