O'Leary sterklega orðaður við Portsmouth

Samkvæmt breskum fjölmiðlum í dag verður knattspyrnustjórinn Paul Hart hjá Porstmouth líklega fysti stjórinn til þess að fjúka í ensku úrvalsdeildinni.

Portsmouth hefur byrjað afleitlega í deildinni og tapað öllum sex leikjum til þessa og ef liðið tapar gegn Everton á heimavelli á morgun er ansi líklegt að Hart verði látinn taka pokann sinn.

Írinn David O'Leary er talinn líklegastur til þess að verða ráðinn í stað Hart en O'Leary hefur ekki komið að knattspyrnustjórn síðan hann hætti hjá Aston Villa í júlí árið 2006 eftir þriggja ára starf. Þar áður var hann stjóri hjá Leeds í fjögur ár við góðan orðstír.