Magnús Árni nýr forstöðumaður

Magnús Árni Magnússon, stjórnmála- og hagfræðingur, hefur verið ráðinn forstöðumaður Félagsvísindastofnunar Háskóla Íslands. Magnús tekur við starfinu af Friðrik H. Jónssyni, prófessor.

Magnús Árni starfaði sem aðstoðarrektor og deildarforseti við Viðskiptaháskólann á Bifröst á árunum 2001 til 2006 og því næst sem ráðgjafi hjá Capacent til 2008 þegar hann réðst til starfa hjá Keili sem framkvæmdastjóri skóla skapandi greina.

Jafnframt hefur Magnús Árni verið aðjúnkt við stjórnmálafræðideild Háskóla Íslands og kennt námskeið í grunn- og meistaranámi.