Wenger: Arsenal betra en United og City

Arsene Wenger, knattspyrnustjóri United, hefur mikla trú á sínu liði sem hann segir betra en bæði Manchester United og Manchester City þó svo að Arsenal hafi tapað fyrir báðum þessum liðum í upphafi tímabilsins.

Wenger sagði að frammistaða hans manna í þessum tveimur leikjum sýni að liðið sé jafn gott, ef ekki betra en liðin tvö frá Manchester.

„Hjá okkur ríkir sú trú eftir þessa leiki að við erum sterkari en bæði þessi lið. Við þurfum bara að byrja að safna stigum samkvæmt því," er haft eftir Wenger í enskum fjölmiðlum.

„Ég er svo sem ekki tala um heildarpakkann en við þurfum ekki að vera með neina minnimáttarkennd miðað við frammistöðu okkar í þessum leikjum. Við munum sjá til hvar við stöndum í lok leiktíðarinnar."

Hann sagðist vera ánægður með sinn leikmannahóp. „Ég fékk 30 milljónir punda til eyða í leikmannakaup í sumar og keypti Thomas Vermaelen á 30 milljónir. Það var nóg fyrir mig að fá hann."

„Við erum með ótrúlegan leikmannahóp. Nicklas Bendtner var á bekknum í leiknum á móti Wigan og þá voru þeir Theo Walcott, Andrei Arshavin, Samir Nasri og Denilson allir frá í þeim leik."

Wenger verður sextugur í næsta mánuði en segir að hann hafi engar áætlanir um að fara á eftirlaun.

„Ég ætla ekki að hætta nema ég þurfi að hætta. Ég hef aldrei upplifað þann dag þar sem ég hugsaði mér að ég gæti lifað án fótboltans," sagði Wenger. „Það kemur að því einn daginn."