50 grömm af hreinu amfetamíni á Blönduósi

Lögreglan á Blönduósi fann 50 grömm af hreinu amfetamíni, sem drýgja má allt að sexfalt, við leit í bíl, sem hún stöðvaði við eftirlit í gærkvöldi.

Karl og kona á þrítugsaldri voru í bílnum og kviknaði grunur um að þau hefðu óhreint mjöl í pokahorninu. Leit á þeim og í bílnum bar ekki árangur, en þá var kallaður til fíkniefnahund, sem fann efnið í bílnum, eftir stutta leit.

Viðurkenndi karlmaðurinn þá að hafa ætlað enfið til sölu á Norðurlandi, einkum á Eyjafjarðarsvæðinu. Málið telst upplýst og var fólkinu sleppt, en málið verður sent ákæruvaldinu.