Henderson framlengir við Sunderland

Jordan Henderson hefur framlengt samning sinn við enska úrvalsdeildarfélagið Sunderland til næstu fjögurra ára.

Henderson er 19 ára gamall og lék sinn fyrsta leik með Sunderland á síðustu leiktíð. Hann var svo lánaður til Coventry á síðari hluta tímabilsins þar sem honum gekk vel.

Hann hefur verið fastamaður í liði Sunderland í haust og spilað alls níu leiki í öllum keppnum. Hann skoraði sitt fyrsta mark fyrir félagið í leik gegn Birmingham í ensku deildabikarkeppninni.

Félagið tilkynnti einnig að það ætti nú í viðræðum við tvo aðra leikmenn um að framlengja samninga þeirra við félagið.