María Sigrún afþakkaði starf fréttaþulu

Maríu Sigrúnu Hilmarsdóttur, fréttamanni hjá RÚV, var boðin staða fréttalesara hjá Skjá einum, samkvæmt heimildum Vísis. Hún þáði hins vegar ekki starfið.

Eins og upplýst var fyrr í september hyggjast Morgunblaðið og Skjár einn sameinast um að senda út kvöldfréttatíma í lok mánaðarins. Sigríður Margrét Oddsdóttir sagði í samtali við Vísi í morgun að ekki væri búið að ráða fréttaþul en það yrði væntanlega gert á næstu dögum.

María Sigrún Hilmarsdóttir vildi sjálf ekkert tjá sig um málið þegar leitað var viðbragða hjá henni.