Demi í hart við ljósmyndara

Leikkonan Demi Moore ætlar að draga ljósmyndarann Anthony Citrano fyrir dómstóla. Lögfræðingur Moore hefur sent Citrano bréf þar sem honum er hótað lögsókn dragi hann ekki ummæli sín um Moore til baka. Citrano benti á að svo virtist sem að forsíðumynd af Moore hefði verið ofunnin af myndvinnslumönnum tímaritsins W og því virðist sem hluta af læri leikkonunnar vanti.

Moore fer fram á að Citrano fjarlægi öll niðrandi ummæli af netsíðu sinni ellegar hljóti hann verra af. Citrano hefur þó neitað og segist standa við ummæli sín og bendir jafnframt á að allar myndir sem rata á síður tískutímarita séu unnar, þó að Moore vilji meina að forsíðumyndin af henni sé algjörlega óunnin.