Mansalsmál: Farið fram á áframhaldandi gæsluvarðhald

Lögreglustjórinn á Suðurnesjum mun fara fram á áframhaldandi gæsluvarðhald yfir fimm Litháum og einum Íslendingi síðar í dag, en þeir hafa setið í varðhaldi í tengslum við rannsókn á skipulagðri glæpastarfsemi, meðal annars mansali og tryggingarsvikum.

Mennirnir voru dæmdir í vikulangt gæsluvarðhald þann 28.október síðast liðinn sem rennur út í dag. Búast má við að varðhaldið verði framlengt um viku yfir öllum mönnunum. Málið er nokkuð umfangsmikið og er unnið allan sólarhringinn þessa dagana að sögn lögreglu og miðar rannsókn vel.