Fimm þúsund hafa sagt nei takk við Árna Pál

Fjöldi þeirra sem hafa afþakkað greiðslujöfnunarúrræði ríkisstjórnarinnar hjá Íbúðalánasjóði var kominn í 4.700 núna um hádegið. Fólk sem ekki ætlar að nýta sér úrræðið sem Árni Páll Árnason félagsmálaráðherra kynnti á dögunum, hefur frest til 20. nóvember næstkomandi að tilkynna um það, vegna gjalddaga í desember.

Samkvæmt upplýsingum frá Kaupþingi hafa 255 viðskiptavinir bankans afþakkað greiðslujöfnunina en það er hægt að gera í gegnum heimasíðu bankans.

Hjá Íslandsbanka hafa 311 aðilar afþakkað aðlögunina á samtals 443 lánum. Fjöldi þeirra sem hafa afþakkað greiðslujöfnun hjá Íbúðalánasjóði var kominn í 4.700 nú um hádegið.

Hjá Lífeyrissjóði Verslunarmanna fengust þau svör að sjóðurinn ætli sér að senda lántakendum bréf vegna málsins. Ef fólk vill hafna úrræðinu þarf það að svara bréfinu.