Brennt barn forðast eldinn

Nítíu prósent þeirra erlendu fjármálafyrirtækja sem fjárfest hafa á Íslandi telja ólíklegt að þau rói á íslensk mið á næstunni ef marka má nýja könnun.

Það var breska lögfræðifyrirtækið Norton Rose sem gerði könnunina en talað var við 60 stór fjármálafyrirtæki og þau spurð út í Ísland og framtíðina. Breska viðskiptablaðið Financial Times greinir frá þessu í dag grein sem fjallar um Icesave samninginn og mögulegar afleiðingar hans.

Níutíu prósent aðspurðra svöruðu því til að það væri ólíklegt eða afar ólíklegt að það mundu fjárfesta aftur á Íslandi á komandi árum og yfirgnæfandi meirihluti aðspurðra sagist búast við miklu og langvarandi óstöðugleikatímabili í íslensku fjármálalífi næstu árin.

Enn stærri meirihluti, eða níutíu og átta prósent þeirra sem svara, segja að íslensk yfirvöld hafi komið illa fram við erlenda kröfuhafa og fjármagnseigendur hér á landi í kjölfar bankahrunsins.

Hér má sjá greinina í heild sinni.