Sundboltarnir að seljast upp á Anfield

Það er um fátt annað talað þessa dagana en „sundboltamarkið" sem Liverpool fékk á sig um helgina gegn Sunderland. Stuðningsmenn annarra liða eru heldur betur til í að nudda salti í sár Liverpool og þeir flykkjast þessa dagana á Anfield til þess að kaupa sér eins bolta og réð úrslitum gegn Sunderland.

Svo skemmtilega vildi til að það var nýbúið að lækka verðið á „strandarsetti" úr 20 pundum í 10 en í þeim pakka fékk fólk poka, handklæði og boltann fræga.

Það vakti nokkra athygli í morgun að hætt var að selja boltana á heimasíðu Liverpool en fólk sem lagði leið sína í verslunina á Anfield gat keypt bolta.

Einn starfsmaður búðarinnar staðfesti við breska fjölmiðla að fólk væri kaupa allt upp í þrjú strandarsett í einu.

Verslunarstjórinn segir að farið sé að ganga á birgðirnar af boltunum en meira sé til á lagernum. Hann býst við að selja fjölda bolta á komandi vikum en spurning hvort það verði löglegt að fara með þá inn á Anfield?