Aquilani stefnir á að spila þann 17. október

Alberto Aquilani stefnir að því að spila sinn fyrsta leik með Liverpool þann 17. október næstkomandi er liðið mætir Sunderland á útivelli.

Aquilani kom til Liverpool í sumar frá ítalska liðinu AS Roma fyrir 20 milljónir punda en hefur ekkert geta spilað vegna meiðsla.

Aquilani hefur lengi átt við meiðsli að stríða og vildu forráðamenn Liverpool því ekki að hann myndi byrja að spila of snemma eftir meiðslin.

Samkvæmt heimildum enskra fjölmiðla mun Aquilani nota landsleikjafríið sem er framundan vel og er búist við því að hann muni ná sér að fullu.