Sala hafin á Airwaves

Miðasala á elleftu Iceland Airwaves-tónlistarhátíðina er hafin. Miðaverð verður á sérstöku forsöluverði, 8.900 kr., og veitir miðinn aðgang að öllum átta tónleikastöðum hátíðarinnar í þá fimm daga sem hún stendur yfir, frá 14. til 18. október.

Miðasalan fer fram á Icelandairwaves.is og í Smekkleysubúðinni á Laugavegi. Að sögn aðstandenda hátíðarinnar verður takmarkað miðamagn í boði í ár og því er fólk hvatt til þess að tryggja sér miða í tíma þar sem uppselt hefur verið á hátíðina síðustu fimm ár.

Á hátíðinni koma fram um 160 hljómsveitir, þar á meðal Metronomy, Micachu, Kings of Convenience, Gus Gus og Hjaltalín.