Umfjöllun: Eyjamenn með seiglusigur í Grafarvogi

Fyrir leikinn í kvöld voru Fjölnismenn í áttunda sæti Pepsi-deildarinnar með fjögur stig en gestir þeirra, ÍBV, í því tólfta og neðsta án stiga. Eyjamönnum hafði ekki enn tekist að skora í deildinni og því orðnir óþreyjufullir eftir marki og stigum.

Eyjamenn byrjuðu af krafti og þegar rúmar fjórar mínútur voru liðnar af leiknum var bið þeirra eftir marki þetta árið á enda. Þá Úgandamaðurinn Tonny Mawejje sendingu inn fyrir vörn Fjölnismanna og afgreiddi boltann snyrtilega framhjá Þórði Ingasyni í marki Fjölnis.

Eftir markið voru Eyjamenn atkvæðameiri en Fjölnismenn beittu þó skyndisóknum. Ein slík kostaði Eyjamenn leikmann. Tómas Leifsson komst þá inn fyrir vörn Eyjamanna á 17. mínútu en var felldur af Bjarna Rúnari Einarssyni sem fékk að líta rauða spjaldið að launum frá Garðari Erni Hinrikssyni. Fyrsta rauða spjaldið sem Garðar réttir á loft í sumar staðreynd.

Það sem eftir lifði hálfleiks sóttu bæði lið en færin voru af skornum skammti. Þó voru fleiri færi Fjölnismegin en Albert stóð vaktina á milli stanga eyjamarksins af prýði.

Eyjamenn fóru því með eitt mark í forskot inn í hálfleik.

Fjölnismenn byrjuðu seinni hálfleik af krafti og átti Ásgeir Aron Ásgeirsson hörkuskot að marki en Albert varði glæsilega í horn. Það var því gegn gangi leiksins þegar Ajay Leitch Smith fékk sendingu frá Pétri Runólfssyni og var einn gegn tveimur varnarmönnum Fjölnis. Ajay hreinlega lék sér að Fjölnismönnum og skoraði með góðu skoti framhjá Þórði Ingasyni í marki Fjölnis.

Það tók Fjölnismenn ekki langan tíma að svara fyrir sig því á 57. mínútu átti Guðmundur Karl Guðmundsson skot að marki. Skotið hafði viðkomu í Andrew Mwesigwa, boltinn breytti um stefnu og endaði niðri í hægra markhorninu. Staðan því orðin 1-2.

Fjölnismenn eilítið meira með boltann en sóknaraðgerðir þeirra voru bitlausar og ekkert hættulegt færi leit dagsins ljós. Vestmannaeyingar voru hinsvegar hættulegir í skyndisóknum og voru fastir fyrir í vörninni.

Á 66. mínútu átti Matt Garner fyrirgjöf frá vinstri sem rataði beint á kollinn á fyrirliða ÍBV, Andra Ólafsson sem stangaði boltann í markið. Staðan orðin 3-1.

Eftir þriðja mark Eyjamanna var mestur vindur farinn úr Fjölnismönnum sem náðu ekki skapa sér nein hættuleg færi það sem eftir lifði leiks. Töluverður barningur var þó milli manna og lyfti Garðar Örn Hinriksson oft gulu spjaldi á loft.

Á 89. mínútu lentu þeir Gunnar Valur Gunnarsson og Tonny Mawejje í stympingum eftir að sá síðarnefndi hafði sparkað boltanum í burtu eftir að Garðar Örn hafði flautað. Báðir fengu þeir að líta gula spjaldið. Tonny virtist ekki parhrifin af Garðari Erni og lét hann heyra það. Hann hefur þó ekki gert sér grein fyrir því að Garðar Örn Hinriksson er lítið fyrir að láta rífa kjaft við sig og kom það því flatt á hann þegar Garðar sýndi honum annað gult spjald og þar með rautt.

Eyjamenn voru því tveimur færri síðustu mínúturnar en það kom ekki að sök þar sem Fjölnismenn voru heillum horfnir í sínum sóknaraðgerðum.

Niðurstaðan því verðskuldaður 1-3 sigur ÍBV staðreynd.



Fjölnir - ÍBV 1-3

0-1 Tony Mawejje (5.mín)

0-2 Ajay Smith (53. mín)

1-2 Andrew Mwesigwa (Sjálfsm.) (57. mín)

1-3 Andri Ólafsson (66. mín)

Fjölnisvöllur. Áhorfendur: 897

Dómari: Garðar Örn Hinriksson (4)

Skot (á mark): 15-11 (5-6)

Varin skot: Þórður 3 - Albert 5.

Horn: 4-4

Aukaspyrnur fengnar: 8-14

Rangstöður: 4-5



Fjölnir (4-5-1):

Þórður Ingason 5

Gunnar Valur Gunnarsson 4

Magnús Ingi Einarsson 3

Ragnar Heimir Gunnarsson 4

Vigfús Arnar Jósepsson 4

Aron Jóhannsson 5

(72 Andri Valur Ívarsson - )

Ásgeir Aron Ásgeirsson 5

(72 Hermann Aðalgeirsson -)

Gunnar Már Guðmundsson 5

Ágúst Þór Ágústsson 5

(83 Eyþór Atli Einarsson -)

Guðmundur Karl Guðmundsson 5

Tómas Leifsson 5

ÍBV (4-4-2)

Albert Sævarsson 7 Maður leiksins

Pétur Runólfsson 7

Eiður Aron Sigurbjörnsson 6

Andrew Mwesigwa 6

Matt Garner 6

Bjarni Rúnar Einarsson 4

Andri Ólafsson 6

(85 Þórarinn Ingi Valdimarsson -)

Yngvi Magnús Borgþórsson 6

Tony Mawejje 6

Ajay Leicht Smith 6

(75 Viðar Örn Kjartansson -)

Gauti Þorvarðarson 5

(36 Christopher Clements 6)

Leiknum var lýst beint á boltavakt vísis. Fjölnir - ÍBV.