Ferguson: Steve Bruce getur orðið stjóri hjá toppliði

Sir Alex Ferguson, stjóri Manchester United, hefur mikla trú á stjórahæfileikum fyrrum lærisveins sínum Steve Bruce sem nú stýrir liði Sunderland. Bruce var fyrirliði Manchester United á níunda og tíunda áratugnum og hefur oft verið nefndur sem hugsanlegur eftirmaður Ferguson Manchester United.

„Ef menn fara í gegnum ferillinn hans þá sjá menn að hann hefur einmitt þar sem til þarf til að þjálfa topplið," sagði Alex Ferguson um Steve Bruce en lið þeirra, Manchester United og Sunderland, mætast einmitt á Old Trafford í ensku úrvalsdeildinni klukkan 16.30 í dag.

„Hann hefur reynsluna af fallbaráttuslagnum með Sheffield United, Huddersfield, Crystal Palace og Birmingham. Hann gerði líka frábæra hluti með Wigan þar sem hann kom þeim næstum því í Evrópukeppni," sagði Ferguson.

„Hann hefur lært mikið af þessum erfiðu störfum en núna hefur hann meiri pening til að kaupa leikmenn og þetta lítur mjög vel út hjá honum," sagði Ferguson en Bruce hefur aldrei náð að vinna í tólf leikjum á móti sínum gamla stjóra. Sunderland hefur auk þess ekki unnið á Old Trafford í 40 ár.

„Steve er búinn að endurvekja félagið og það er auðvelt að sjá eitthvað mikið gerast hjá Sunderland en vonandi þó ekki á móti okkur," sagði Ferguson.