Bent: Svekkjandi að ná ekki öllum þremur stigunum

Darren Bent og félagar í Sunderland urðu í kvöld fyrsta liðið til þess að ná í stig á Old Trafford á þessu tímabili en hann var engu að síður svekktur með að ná ekki að vinna leikinn. United jafnaði með sjálfsmarki Anton Ferdinand í uppbótartíma.

„Ég rosalega vonsvikinn því strákarnir spiluðu mjög mjög vel. Við unnum vel en við vissum alltaf að Manchester United myndi pressa mikið í lok leiksins, "sagði Darren Bent en hann skoraði sitt áttunda deildarmark á tímabili í leiknum.

„Þetta er samt gott stig því ef þú færð eitthvað úr heimsókn á Old Trafford þá veistu að þú hefur gert góða hluti. Það var samt svekkjandi að ná ekki öllum þremur stigunum," sagði Bent.