Með allt á hreinu sýnd

Ein vinsælasta bíómynd Íslandssögunnar, Stuðmannamyndin Með allt á hreinu eftir Ágúst Guðmundsson, verður bílabíómynd Alþjóðlegrar kvikmyndahátíðar í Reykjavík í ár.

Myndin, sem sýnd er í samstarfi við N1, sló öll aðsóknarmet hér á landi þegar hún var frumsýnd árið 1982. Hún segir fá tveimur hljómsveitum, Stuðmönnum og Gærunum, sem bítast um ballmarkaðinn.

Sýningin fer fram á malarplaninu fyrir framan aðalbyggingu Háskóla Íslands í nágrenni við Norræna húsið 21. september kl. 21. Miðasala á kvikmyndahátíðina hefst í Eymundsson í Austurstræti 10. september.